افضل جهاز العروسة و العريس في مصر

افضل جهاز العروسة و العريس في مصر

.لكل عريس وعروسة يبحثون عن افضل جهاز العروسة في مصر وافضل اجهزة منزل قمنا بجمع افضل الاجهزة المنزلية في مصر باراء المستخدمين لها بالاضافة الي تقييمات الاعضاء
 

جهاز العروسة
كل واحد مقبل على الجواز سواء العريس او العروسة اكتر حاجة بيفكر فيها الجهاز العروسة والعريس وطبعا ده جهاز العمر يعني لازم تكون حاجة جامدة اخر حاجة بالنسبة للبنات بالذات لازم تكون التلاجة والغسالة والبوتجاز وكل حاجة فى الشقة اكبر واحسن من بتاعة صاحبتي او بنت خالتي او بنت عمتى اه مش هينفع يجوا يباركولي ويلاقو حاجتى اقل من حاجتهم و اخت جوزي بالذات ماينفعش تبقي حاجتي اقل من حاجتها.
طب حلو الكلام ؟
نيجي بقي للفعل
العروسة
طب هعمل كده ازاى ؟
مفيش وقت انزل الف على كل حاجة؟
انا اول مرة اتجوز ماعنديش الخبرة انى فعلا اعرف ان ديه احسن حاجة؟
بنت خالتي بتقول البوتجاز ده وحش فرقع فى وشها 3 مرات قبل كده بس بنت عمتي بتقول ده ممتاز وعملت فيه خروفين ومعزة وشغال تمام بقالو 19 سنة ( ايه الحيرة ديه يا ربي ) ؟
حماتى بتقول مفيش احسن من التلاجة الى اشترتها فى جوازها ( بس التلاجة بتاعتها قديمة فحت و صوتها اعلى من صوت الجرار وبعدين اولد فاشون اوى ) اكيد فيه حاجات احسن واجدد ؟
العريس
جهاز العروسة
ده شقي عمري ومش هضيعو كده على الفاضي لازم اجيب افضل حاجة؟ بس ازاى ؟
التكنولوجيا اتقدمت دلواتى وانا لازم اواكب العصر واشتري احدث حاجة واريح حاجة انا عايز اريح نفسى ؟ بس ازاى ؟ وانا اعرف منين ان ديه فعلا احسن حاجة وفلوسي مش هتضيع على الفاضي؟
احنا بقي ريحنا العريس والعروسة على الاخر , هتقولى ازاى ؟
هقولك احنا جمعنالكم افضل اجهزة كهربائية موجودة فى مصر باسعارها ومواصفاتها
طب ايه الى يثبت ان ديه فعلا افضل حاجة؟
احنا مادخلناش على مواقع وخدنا منهم كوبي وبيست او كتبنا زى ما اى حد كاتب او كتبنا على جوجل افضل حاجة ونقلناها ليكم.
احنا نزلنا الاسواق وسالنا هنا وهناك سالنا ناس كتير جدا على الحاجة ديه باستخدامهم هما وايه احسن حاجة في المنتاجات ديه وفعلا مريحاكو ولا لا
تابعنا التغيرات والتحديثات الجديدة وايه بقي صناعته بقت وحشة مش زي الاول وايه الى بقي احسن منهم وايه الى لسه مستمر لغاية دلوقتي
زورنا اماكن بيع المنتجات ديه وسالنا الناس الى بتشتري منهم انت بتشتري النوع ده ليه؟ وماشترتش النوع التانى ده ليه؟
علشان كده قدرنا نجمع افضل اشياء فعلا بتجارب الناس مع المنتجات ديه
يعني من الاخر اسئل مجرب ولا تسأل طبيب

نبتدي بالثلاجات
جهاز العروسة
اهم حاجة لما نيجي نجيب الثلاجة نشوف احنا عايزين ايه بالظبط يعني ايه احتياجتنا زى الابعاد مثلا عشان مكانها فى المطبخ وكام قدم والامكانيات ديه انا محتاجها ولا لا وظروف الكهرباء بتاعتها تمشي مع الكهرباء عندي فى البيت فا مش محتاجين اننا نقلد حد ونجيب زيو احنا نجيب الى احنا محتاجينو

الثلاجات
ثلاجات وايت ويل
لو بتدوري على ثلاجة شيك وواسعة وجودة ومابتعملش ريحة يبقي مفيش غير وايت ويل الكورية او الايطالية
هنا فيه مواصفاتها واسعارها

ثلاجات هيتاشي
من اسمها كده نعرف انها يابانى على طول من افضل الثلاجات المستخدمة فى الوطن العربي شكلها ممتاز ومواصفاتها رائعة
هنا فيه مواصفاتها واسعارها

ثلاجات سامسونج
ثلاجة سامسونج احدث تكنولوجيا فى مجال التبريد وموفرة للطاقة وشكلها فوق الممتاز
هنا فيه مواصفاتها واسعارها

ثلاجات ال جي
ثلاجة ال جي ديه بقي غيرت من نفسها كتير فعلا يعني زمان كان حجمها كبير فحت وشكلها مش لذيذ وامكانيتها مش قد كده دلواتى بقت ممتازة
هنا فيه مواصفاتها وسعرها


الغسالات
جهاز العروسة
لو هنتكلم على الغسالات يبقي ننسي خالص الغسالات الاوتوماتيك والكلام ده ونركز على الغسالات الفوق اوتوماتيك على طول اريح تقدري تفتحيها وتزودى هدوم وهى شغالة تستخدمى اى مسحوق عادى او للاوتوماتيك
غسالات توشيبا الفوق اوتوماتيك
افضل الغسالات الفوق اوتوماتيك على الاطلاق بشهادة كل مستخدمنها الى انا واحد منهم كفاية السرعة فى التركيب وخدمة العملاء
هنا فيه مواصفاتها واسعارها

غسالات ال جي الفوق اوتوماتيك
معظم مستخدميها بيشكرو فيها جدا ممتازة وصيانتها متوفرة فى اماكن كتير وخدمة عملاء محترمة
هنا فيه مواصفاتها واسعارها

غسالات سامسونج الفوق اوتوماتيك
طبعا سامسونج غنية عن التعريف بالتكنولوجيا الحديثة غسالات سامسونج الفوق اوتوماتيك ملينا تكنولوجيا حديثة زى تجفيف التربو الهوائي والملابس الخالية من التشابك
هنا فيه مواصفتها واسعارها


البوتجازات
جهاز العروسة
لما نتكلم على البوتجازات نصيحة بلاش نبص على المنظر لان فيه حاجات اهم بكتير من الشكل الى هى النار بتاعته قوية ولا لا الفرن واسع ولا لا الشواية ايه نظامها ده اهم حاجة فى البوتجاز
بوتجازات المصانع الحربية
البوتجاز ده اسطورة الاساطير باجماع الناس كلها وعن تجارب شخصية وانا منهم افضل بوتجاز على الاطلاق مقارنة بالبوتجازات الجديدة عيبه فى شكله بس مش قد كده بس اقوى نار افضل فورن ومش بيبوظ بسرعة زى الجديد
هنا فيه مواصفاته واسعاره

بوتاجازات كريازي الكينج
كريازي من افضل البوتاجازات فى مصر بشهادة مستخدميه لامكانياته الممتازة واسعاره الممتازة ايضا والقديم منه افضل من الجديد وافضل مافي كريازى الكينج انه الشواية والفرن اشعال ذاتي وممكن تشغلو الاتنين مع بعض
هنا فيه مواصفاته واسعاره

بوتاجاز جليم جاز الايطالي
بوتاجازات جليم جاز احسن حاجة فيها الامان عشان الاطفال وخاماته ممتازة وممكن تشغلو الفرن والشواية مع بعض
هنا فيه مواصفاته واسعاره


الفرن الكهربائي
جهاز العروسة
فرن كهرباء وايت ويل
افضل حاجة فى افران وايت ويل الكهربائية انه متعدد الموديلات يعني هتلاقي الموديل الى يمشي معاكى ومع مطبخك اكيد ومزود بمروحة لضمان تسوية الاكل بشكل ممتاز
هنا فيه مواصفاته واسعاره

فرن كهرباء التركي
الافران الكهربائية التركية ممتازة جدا واثبتت كفاءة عالية فى البيت المصري بشهادة مستخدميها كلهم سواء كان لوكسيل او كومتيل الاتنين ممتازين
هنا مواصفاته واسعاره

فرن كهرباء كينوود
افران كينوود افضل حاجتين فيها المروحة لتسوية الاكل كويس وال 3 هيتر لتوسية الاكل بسرعة ده غير انه قوي جدا وخاماته ممتازة
هنا مواصفاته واسعاره

الميكرويف
جهاز العروسة
ميكرويف سامسونج
الدلع والرفاهية والشكل والاناقة والخامات متجمعة فى ميكرويف واحد ميكرويف سامسونج تقريبا فيه كل حاجة محتاجنها
هنا مواصفاته واسعاره

ميكرويف ال جي
ال جي تشبه سامسونج فى الامكانيات بس زودت فى الميكرويف ده الامان للاطفال وطبعا فى مصر الاطفال بسم الله ما شاء الله عايزين جنزير يقفل على الميكرويف عشان مايتاذوش
هنا مواصفاته واسعاره

ميكرويف شارب
ناس كتير بتشكر فيه وفى صيانته خاصا انه تبع العربي جروب فهتلاقي مراكز صيانه فى كل مكان ومعاه ضمان سنتين
هنا مواصفاته واسعاره

الكيتشين ماشين
جهاز العروسة
كيتشين ماشين براون
بروان افضل نوع من الكيتشين ماشيين فى مصر غالبا الناس كلها جايباه وكلو بيشكر فيه وبيقولو انه عايش عندهم بقالو سنين كتير وشغال زي الفل
هنا مواصفاته واسعاره

كيتشن ماشين مولينكس
مولينكس كيتشن ماشين ممتاز فعلا الهيكل بتاعه قوي من الاستانلس ستيل وصوته هادي فى الاستعمال  وليه موديلات كتير
هنا مواصفاته وسعره

كيتشن ماشين كينوود
كينوود احسن حاجة فيه خاماته يعني هيكل تيتانيوم وحلة ستانليس ستيل مقاومة للصدأ مالموتور بتاعه قوي جدا بردو هو الاول كان صناعة اتحاد اوروبي فكان احسن من براون ومولينكس بس دلواتى صناعته دخل فيها صيني فناس كتير بيقوله ان القديم احسن
هنا مواصفاته واسعاره


غسالات الاطباق
جهاز العروسة
غسالة اطباق ال جي
غسالات اطباق ال جي الصراحة ممتازة جدا بشهادة الناس وماحدش اشتكها منها خالص وخدمة العملاء والصيانة بتاعتها كويسة ومحترمة
هنا مواصفاتها واسعارها

غسالة اطباق اريستون
غسالة الاطباق ديه كويسة جدا ايطالي الصنع والناس بتشكر فيها الى استخدموها وكمان شكلها حلو وواسعة من الداخل وتقريبا افضل نظام تجفيف وبي اتك مش بيبيع غيرها عشان عليها اقبال شديد
هنا مواصفاتها واسعارها


غسالة اطباق وايت ويل
وايت ويل من المركات الممتازة فى الاجهزة المنزلية والناس بتشتريها كتير وغسالات الاطباق اقتصادية فى الاستخدام واقتصادية فى السعر
هنا مواصفاتها واسعارها


غلايات المياة
جهاز العروسة
غلاية مياة براون
غلاية او كاتل بروان ده افضل غلاية مياة موجوده فى مصر, خامات الصنع بتاعتها ممتازة جدا المانية الصنع سريعة فى غلى الماء وامنة فى الاستخدام لان الهيكل بتاعها من البلاستيك
هنا مواصفاتها واسعرها

غلاية مياة كينوود
غلاية مياة كينوود ممتازة وسهلة التنظيف وسهلة الاستخدام وهيكل قوي من الاستانليس ستيل وسريعة فى غلي الماء
هنا مواصفاتها واسعارها


التلفزيون
جهاز العروسة
التلفزيون ده بقي غالبا اهم حاجة فى البيت ولما نيجي نشتريه لازم نختار نوع حديث يكون تلفزيون وشاشة عرض فى نفس الوقت بالنسبة للبنات بتحب تتفرج على المسلسلات وبالنسبة للشباب يا اما افلام اجنبي يا اما افلام كارتون ينزلو فيلمين على فلاشة ويركبوها في التلفزيون ويعيشو عشان كده سيبكم من الانواع القديمة خالص ونركز فى التكنولوجيا الحديثة
تلفزيون سامسونج
سامسونج يعني التكنولوجيا الحديثة بكل المقاييس واوضح وانقي صورة ممكن تشوفها بخاصية ال Full HD وعلى فكرة انا واحد من مستخدمين سامسونج من سنين كتير اوى وعمري مااشتاكيت منه ابدا
هنا مواصفاته واسعاره

تلفزيون ال جي
لما نتكلم على ال جي يبقي بنتكلم عن جودة خامات وسرعة نظام وشكل انيق وتكنولوجيا حديثة واماكن صيانةفى كل مكان
هنا مواصفاته واسعاره

تلفزيون سونى
سوني اقوى خامات على الاطلاق سواء فى الموبايل او التلفزيون او اى منتج من منتاجتها والتلفزيون بتاعهم الجديد بخاصية ال 4 ده جودة ونقاء للصورة ممتازة جدا وافضل انواع سوني على الاطلاق Bravia
هنا مواصفاته واسعاره
التكيفات
جهاز العروسة
طبعا جو مصر دلواتى ماينفعش من غير تكييف علشان كده هندور على اكتر تكييفات تستحمل النفخ الى هتتنفخه فى الصيف واحسنها فى الهواء ومش بتبوظ بسرعة والصيانة بتاعتها محترمة ومتوافرة فى نفس الوقت
تكييف شارب
شارب عليه اجماع تام انه افضل تكييف فى مصر والصراحة انا واحد من الناس ديه يعني فى الشغل ولا البيت فيهم تكييف شارب والصراحة ممتاز جدا وصيانته كويسة جدا ومتوافرة وسريعة وكمان ضمان 5 سنين
هنا مواصفاته واسعاره

تكييف ال جي
تكييف ال جي الحجمين ال 2.4 وال 3 حصان ممتازين جدا وقوي جدا هتحس انك قاعد فى ثلاجة دول انا اعرف ناس كتير جدا مجربنهم وبيشكرو فيهم جدا لكن ال 1.5 حصان بتاع ال جي كويس الى حد ما يعني زيو زي اى تكييف تانى مش مميز عنهم فى حاجة بالنسبة للحجم الصغير ده
هنا مواصفاته واسعاره

تكييف فريش
فريش بقي يجي بعد ال جي وشارب لانه مش بنفس الجودة لكن من افضل التكييفات مبيعا فى مصر والناس الى اشترته بتشكر فى الشعر والصيانة بتوعه
هنا مواصفاته واسعاره

المراوح
جهاز العروسة
مروحة توشيبا
مورحة توشيبا ممتازة جدا وعن تجربة شخصية واكتر مروحة بتتباع فى مصر ومفيش حد جابها واشتكها منها ابدا هادية جدا وهى شغالة يعني انا عندى مروحتين واحدة تحس ان فيه جرار شغال مع انها قوية وهواها اقوي اسمها جاك بس توشيبا هادية اوى وهى شغالة وهواها ممتاز كمان بس خودو بالكم من السلك بتاعها والهيكل من فوق لوحة السرعة بتعتها عشان دول اضعف مكانين فيها وبقيت الهيكل قوي جدا
هنا مواصفتها واسعارها

مروحة فريش
مروحة فريش مروحة ممتازة بردو واحلي حاجة فيها انها مزودين فيها معطر وفيه منها مقاسات كتير وانواع كتير وهادية بردو عند التشغيل والهيكل بتاعها مرن
هنا مواصفاتها واسعارها

المكنسة الكهربائية
جهاز العروسة
مكنسة باناسونيك
باناسونيك عليها اجماع انها افضل مكنسة كهربائية فى مصر سواء كانت عادية او برميل وبالاخص البرميل منها ممتازة جدا ومفيش حد جابها واشتكي منها بالعكس كلو بيشكر فيها جدا وبيقولو انها بتعيش كتير والموتور بتاعها قوي وقوة شفطها ممتاز
هنا مواصفاتها واسعارها

مكنسة هيتاشي
مكنسة هيتاشي الكهربيائية صناعة يبانية موتور قوي جدا هيكلها قوي جدا المكنسة البرميل منها ممتازة وناس كتير اوى اشتروها وجربوها وبيشكرو فيها جدا
هنا مواصفاتها واسعارها

مكنسة كينوود الكهربائية
مكنسة كينوود الكهربائية ديه بقي سهلة فى الاستخدام وشكلها انيق وصغير فى الحجم ممكن تخزنيها فى اى مكان
وموتور قوي وقوة شفط ممتازة بردو
هنا مواصفاتها واسعارها


الديب فريزر
جهاز العروسة
ديب فريزر توشيبا
سالنا المستخدمين للديب فريزر ده معظمهم قال انو ممتاز جدا ومابيقابلهومش معاه مشاكل والصيانة بتاعته كويسة وسريعة ومتوفرة في اماكن كتير جدا لانه تبع العربي جروب وبالنسبة للشكل شكله محترم وانيق وصوته مش عالي عند التشغيل وخدمة العملاء بتاعة العربي كويسة وسريعة
هنا مواصفاته واسعاره

ديب فريزر كريازي
باراء مستخدمين ديب فريزر كريازي قالو عنه انه سهل التنظيف علشان جسمه من الاستانليس ستيل وهادي عند الاستعمال تبيردو ممتاز ادراجه واسعة وصيانته الى حد ماء جيدة لكن خدمة العملاء بطيئة شوية
هنا مواصفاته واسعاره

ديب فريزر وايت ويل
وايت ويل ممتازة في صناعة الثلاجات والديب فريزر مشكلتها اماكن الصيانة لكن خاماتها ممتازة وموتور قوي شكل انيق وجذاب ادراجه واسعة وكبيرة
هنا مواصفاته واسعاره

الريسيفرات
ريسيفر دريم بوكس 800 اتش دي اس اي
من افضل اصدارت شركة دريم ملتيميديا في الريسيفرات امكانياته ممتازة جدا وبيشغل القنوات ال HD والقنوات المشفرة حاصل على جائزة افضل ريسفر من معرض كابسات الدولي في دبي لكن مشكلته في سعره غالي نظرا للامكانيات بتاعته ( اهم حاجة اشترو النوع الاصلي علشان فيه منه مضروب وتعبان جدا )
هنا مواصفاته واسعاره


ريسيفر كيوماكس 999 اتش دي اتش 5
ريسفر كيوماكس كا امكانيات واوبشون جديد والرفاهية والواي فاي والانترنت ممتاز اوي وبيفتح القنوات المشفرة والفائقة الجودة ال HD لكن مشكلته انو صيني وخاماته مش كويسة اوي علشان كده سعره هيبقي رخيص بس ناس كتير اشترته وبيقولو عليه رسيفر مالوش حل بس بردو فيه ناس بتشتكي منه بردو
هنا مواصفاته واسعاره


مكاوي
جهاز العروسة

مكواة بخار باناسونيك 

مكواة بخار باناسونيك ممتازة جدا وغالبا كل عريس وعروسة من ايام جدي بيجبوها والعرايس الجداد بيجبيبوها كمان ثابتة نفسها في السوق المصري قوية جدا مابتعملش تجاعيد في الهدوم
هنا مواصفاتها واسعارها

جهاز العروسة
شفاطات المطابخ
شفاط مطبخ تكا الالمانية
شفاط مطبخ تكا الالمانية من افضل واقوي شفاطات المطابخ في مصر باراء المستخدمين ليه بيشيل كل الروائح بتاعة الاكل المقلي والمشوي وبيتنضف بسهولة باي مذيب للدهون
هنا مواصفاته وسعاره

مصطفي مجدي


الوسوم: